Олимпиада-2024: Қазақстан құрамасы медаль кестесінде бірнеше сатыға төмендеді

Франция астанасы Париждегі жазғы Олимпиада ойындарының медаль кестесінде Қазақстан құрамасы бірнеше сатыға төмендеді. Бұл туралы KAZ.NUR.KZ тілшісі хабарлайды.

Олимпиада ойындарындағы алты жарыс күнінің қорытындысы бойынша Қазақстан құрамасы медаль кестесінде Бельгия және Ирландия құрамаларымен 20-орында тұр. Ел қоржынында әзірге 1 алтын, 2 қола жүлде бар.

Медаль кестесінде Қытай құрамасы 11 алтын, 7 күміс, 6 қола медальмен көш бастап тұр. Ал екінші орынға АҚШ жайғасса (9-15-13), үшінші орынға Франция (8-11-8) табан тіреді.

Еске салайық, 29 шілдеде Қазақстан құрамасы үздік ондықта тұрған еді. Ал 30 шілдеде командамыз 12-орынға сырғыған болатын.

Еске салайық, осыған дейін 2 тамызға арналған жарыс кестесін жариялаған едік. Париж Олимпиадасы 11 тамызға дейін жалғасады.

Мәтіннен қате тапсаңыз, бізге жазыңыз