Қазақстандық спортшы Данил Мұсабаев Париж Олимпиадасында батутты гимнастикадан іріктеу кезеңіне қатысты. Бұл туралы KAZ.NUR.KZ тілшісі хабарлайды.
Данил Мұсабаев бірінші мүмкіндігінде 58.070, ал екіншісінде 52.550 ұпай жинады. Алайда финалға жолдама алған сегіз спортшының қатарына ене алмады.
Еске салайық, спорттық гимнастикадан Қазақстан құрамасының мүшесі Милад Карими Париж Олимпиадасында жекелей көпсайыстың финалында сынға түсіп, соңғы орын алған еді. Енді ол 4 тамызда қол тіреп секіруден финалда бақ сынайды. Сол күні тағы бір қазақстандық гимнаст Нариман Құрбанов ат снаряды жаттығуында алтын медальға таласады.
Әзірге Қазақстан қоржынында 1 алтын 2 қола жүлде бар. Париж Олимпиадасы 11 тамызға дейін жалғасады.
- Нұрбек Оралбай: Парижге алтын медаль үшін келдік
- Қазақстандық семсерлесушілер Олимпиадада 6-орынды еншіледі
Мақаланың түпнұсқасы: https://kaz.nur.kz/sport/other-sports/2143936-qazaqstandyq-gimnast-parizh-olimpiadasynyng-finalyna-shyga-almady/
