Әсем Орынбай стенд атудан Париж Олимпиадасының іріктеу кезеңінің екінші күнінде сынға түсті. Бұл туралы KAZ.NUR.KZ тілшісі хабарлайды.
Қазақстандық спортшы Әсем Орынбай стенд атудан іріктеудің екінші күнінде өнер көрсетті. Бес кезеңнің нәтижесінде қазақстандық мерген Әсем Орынбай 116 ұпай еншілеп, 18-орынды місе тұтты.
Әсем Орынбай іріктеудің алғашқы күнінде 67 ұпай жинақтап, 23-орынға тұрақтаған болатын.
Жалпы есепте үздік нәтиже көрсеткен 6 спортшы финалға шығады. Ал іріктеу сайысында барлығы 29 спортшы қатысқан болатын.
Айта кетейік, қазіргі уақытта ел қоржынында 1 алтын, 1 күміс, 2 қола медаль бар.
Күні кеше қазақстандық гимнаст Нариман Құрбанов ат снарядында өнер көрсетіп, күміс жүлдені еншілеген болатын.
Мақаланың түпнұсқасы: https://kaz.nur.kz/sport/other-sports/2144268-parizh-olimpiadasy-asem-orynbai-irikteu-kezenginde-synga-tusti/
