Юлия Путинцева АҚШ-та өткен турнирде әлемнің екінші ракеткасын ұтты

Әйелдер арасындағы жекелей сында Қазақстанның екінші ракеткасы Юлия Путинцева Цинциннатиде өтіп жатқан WTA 1000 ауыр турнирінде америкалық Коко Гауффты ұтты. Бұл туралы KAZ.NUR.KZ тілшісі хабарлайды.

Қарсыластар жарыстың екінші кезеңінде кездесті. Путинцева қазір әлемдік рейтингте 34-ші орында, Гауфф екінші орында.

Кездесу үш сетте 6:4, 2:6, 6:4 есебімен қазақстандық ойыншының пайдасына аяқталды. Теннисшілер кортта 1 сағат 54 минут уақыт өткізді.

Үшінші айналымда Путинцева испандық Паула Бадосамен ширек финалға жолдама алады.

Естеріңізге сала кетейік, бұл қазақстандық спортшы үшін тізе жарақатына байланысты 2024 жылғы Олимпиададан шеттетілгеннен кейінгі алғашқы турнир.

Еске салсақ, Юлия Путинцева Парижге келіп, Олимпиада ойындарына белсенді дайындықты бастап кеткен еді. Алайда, украиналық теннисші Марта Костюкпен алғашқы ойын алдында дайындық кезінде тізесінің жарақатына байланысты жарысқа қатыса алмады.

Мәтіннен қате тапсаңыз, бізге жазыңыз