Аударыспақтан Қазақстан құрамасының барлық спортшысы финалға өтті

V Дүниежүзілік көшпенділер ойындарында аударыспақтан Қазақстан ұлттық құрамасының барлық спортшысы финалға өтті. Бұл туралы KAZ.NUR.KZ тілшісі хабарлайды.

Кеше, 8 қыркүйекте V Дүниежүзілік көшпенділер ойындары басталды. Жарыстың алғашқы күнінде аударыспақтан Қазақстан ұлттық құрамасының барлық спортшысы финалға өтті.

Жарысқа 9 мемлекеттен, 64 спортшы тіркелді. Олар Қазақстан, Қырғызстан, Өзбекстан, Моңғолия, Түркия, Венгрия, Қытай, АҚШ және Ресейден келген спортшылар. Қазақстан намысын қорғап жатқан Ермек Құралбай, Алмат Ләтіпбек, Дарын Өткелбай, Есімхан Рахматіллә, Сырым Ізбасаров және Біржан Қосалиев финалға өтті.

Айта кетейік, көкпардан Қазақстан құрамасы Астанада өтіп жатқан V Дүниежүзілік көшпенділер ойындарының іріктеу кезеңінде Өзбекстан командасын ірі есеппен жеңген еді. "Қазанат" ипподромында өткен бәсекеде Қазақстан құрамасы 16:0 есебімен басым түсті.