Ресейлік мәнерлеп сырғанаушы Қазақстан сапындағы алғашқы медалін жеңіп алды
Опубликовано:
Қазақстан атынан өнер көрсететін ресейлік мәнерлеп сырғанаушы Софья Самоделкина Астанада өткен халықаралық "Denis Ten Memorial Challenge" V турнирінде медаль жеңіп алуына қатысты пікір білдірді. Бұл туралы KAZ.NUR.KZ хабарлайды.
"Denis Ten Memorial Challenge – 2024" – күміс медаль. Бұл – биылғы маусымдағы екінші жарыс. Бәрі жоспар бойынша жүріп жатыр! Қолдауларыңыз үшін рақмет", - деп жазды Софья Самоделкина Instagram желісіндегі ресми парақшасында.
Айта кетейік, Астанада 3-5 қазан аралығында өткен "Denis Ten Memorial Challenge" V халықаралық турниріне 31 елден 120-ға жуық спортшы қатысты.
Еске сала кетейік, 17 жастағы Софья Самоделкина 2023 жылдың жазында Қазақстан азаматтығын алған. Ал 2024 жылдың мамырында оның Қазақстан құрамасына өтуі ресми түрде мақұлданды.
Сондай-ақ Софья Самоделкина 2021 жылы өткен "Denis Ten Memorial Challenge" турнирінде топ жарған болатын.
Мәтіннен қате тапсаңыз, бізге жазыңыз
Оригинал статьи: https://kaz.nur.kz/sport/other-sports/2171334-reseilik-manerlep-syrganaushy-qazaqstan-sapyndagy-algashqy-medaldi-zhengip-aldy/