Шотландияның Абердин қаласында өтіп жатқан керлингтен аралас командалар арасындағы әлем чемпионатында қазақстандық спортшылар тарихи нәтижеге жетті. Бұл туралы KAZ.NUR.KZ хабарлайды.
Керлингтен Қазақстан ұлттық құрамасы Е тобындағы 6-турда Украина ойыншыларынан 8:7 есебімен басым түсті. Ал қатар өткен кездесуде негізгі қарсылас Швейцария жеңіліп қалды.
Осылайша, Қазақстан құрамасы өз тарихында алғаш рет әлем чемпионатының плей-офф кезеңіне жолдама алды.
Қазақстан құрамасы сапынан Абылайхан Жүзбай, Тылсымай Аллиярова, Айдос Аллияр мен Мерей Тастемір сынға түсті
Осыған дейінгі керлингтен Қазақстан құрамасының көрсеткіштері:
- 2018 жылы – 34-орын (35 команда);
- 2019 жылы – 21-орын (40 команда);
- 2020-2021 жылы әлем чемпионаты өткен жоқ.
Айта кетейік, әлем чемпионатының 1/8 финалдық кезеңі мен ширек финалы бүгін, 18 қазанда өтеді. Ал жартылай финал мен финал ертең, 19 қазанда өтеді деп жоспарланған.
Мақаланың түпнұсқасы: https://kaz.nur.kz/sport/other-sports/2175888-kerlingten-alem-chempionatynda-qazaqstan-quramasy-tarihi-natizhege-zhetti/
