Қазақстандық велошабандоздар әлем чемпионатын сәтті аяқтады

Данияның Баллерупте тректегі велоспорттан әлем чемпионаты аяқталды. Қазақстан құрамасы үздік ондыққа енді, деп хабарлайды KAZ.NUR.KZ.

Отандық құрамадағы үздік спортшы болып Кирилл Курдиди танылды. Ол гит бойынша финалға жетіп, онда жетінші орыннан көрінді. Омниум бойынша жарыс жолына шыққан Рамис Дінмұхаметов 18-ші орын алса, шығып қалуға жарыстан 14-орыннан көрінді. 

Қуалап жарысудан Илья Қарабұтов 20-орынға жайғасты. Ал Әлішер Жұмақан ұпай бойынша он алтыншы болып келді. Кейрин бойынша Кирилл Курдиди жиырма үшінші болып жетсе, Илья Қарабұтов скрэтч бойынша жүлде алу үшін барын салды, нәтижесінде мәреге он тоғызыншы болып келді. 

Айта кетейік, чемпионатқа Қазақстан атынан барлығы төрт спортшы қатысты.

Мәтіннен қате тапсаңыз, бізге жазыңыз