17 жастағы конькиші Қазақстанның ұлттық рекордын жаңартты
Опубликовано:
17 жастағы спортшы Кристина Шумекова Қазақстан Республикасының ұлттық рекордын жаңартты. Бұл туралы KAZ.NUR.KZ тілшісі хабарлайды.
9-28 қазан аралығында конькимен жүгіруден Қазақстан құрамасы Германияның Инцель қаласында оқу-жаттығу жиынын өткізіп жатыр. Дайындық аясында командамыз Әлем кубогі кезеңдеріне жолдама алу үшін ISU халықаралық жарысында сынға түсті.
Жарысқа 16 елдің спортшылары қатысты. Кристина Шумекова 3000 метр қашықтығында 4:15.48 уақытымен жасөспірімдер арасындағы Қазақстан Республикасының ұлттық рекордын жаңартты.
Сонымен қатар спортшыларымыз өз үздік көрсеткіштерін де жақсарта алды: қыздар 11 жеке рекорд орнатса, ерлер 500, 1000, 1500, 3000 және 5000 метр қашықтықтарында 22 үздік нәтиже тіркеді.
Мәтіннен қате тапсаңыз, бізге жазыңыз
Оригинал статьи: https://kaz.nur.kz/sport/other-sports/2176908-17-zhastagy-konkishi-qazaqstannyng-ulttyq-rekordyn-zhangartty/