Елена Рыбакина 3 ай үзілістен кейін халықаралық жарыста бақ сынамақ

Қазақстандық теннисші Елена Рыбакина үш айлық үзілістен кейін Сауд Арабиясының Эр-Рияд қаласында өтетін халықаралық турнирге дайындыққа кірісті. Бұл туралы KAZ.NUR.KZ хабарлайды.

Eurosport телеарнасы қазақстандық теннисші Елена Рыбакинаның Сауд Арабиясындағы халықаралық турнирге дайындыққа кірісуіне байланысты тосын пікір білдірді.

"Кім оралды десеңізші! Елена Рыбакина WTA-дің финалдық турниріне қатысу үшін Эр-Риядтағы жаттығу кортына қайта оралды", - деп жазды Eurosport телеарнасы Х желісіндегі ресми парақшасында.

Айта кетейік, WTA-дің Сауд Арабиясындағы финалдық турнирі 2 қарашада басталады. Бұл Рыбакина үшін тамыз айынан бері қатысатын алғашқы турнир болмақ. Әлемнің бесінші ракеткасы соңғы рет АҚШ ашық чемпионатында бақ сынап, алғашқы айналымнан кейін жарыстан шығып қалған еді.

Мәтіннен қате тапсаңыз, бізге жазыңыз