Ауыр атлетикадан Қазақстанның бұрынғы бапкері өмірінің соңына дейін спорттан шеттетілді

Ауыр атлетикадан Қазақстан құрамасының бұрынғы бас бапкері Алексей Ни бапкерлік лицензиясынан өмір бойына айырылды. Бұл туралы KAZ.NUR.KZ Kazinform агенттігіне сілтеме жасап хабарлайды.

Агенттіктің хабарлауынша, аталған ақпаратты Қазақстан ауыр атлетика федерациясының өкілдері растаған.

"Иә, бұл шын ақпарат. Бұл – халықаралық шешім. Халықаралық ауыр атлетика федерациясы мен Халықаралық тестілеу агенттігінің шешімі", - деді федерациядағылар.

Еске салсақ, Ни Қазақстан құрамасын 1994 пен 2016 жылдар аралығында жаттықтырып, Рио Олимпиадасынан соң ресми түрде жұмыстан кеткен еді. Ол бас бапкер болған тұста Олимпиада ойындары мен әлем, құрлық чемпионаттарында жүлде алған спортшылардың көбі допинг дауына ілінген болатын.

Осыған дейін Халықаралық тестілеу агенттігі (ITA) төрт қазақстандық спортшыға өмір бойына дисквлификациялаған. Олардың ішінде жеңіл атлет Ольга Терешкова-Цикунова, ауыр атлет Фаина Сиванбаева және теннисші Тимур Хабибуллин бар.

Мәтіннен қате тапсаңыз, бізге жазыңыз