UFC-дің жеңіл салмақтағы бұрынғы чемпионы Хабиб Нурмагомедов мадридтік "Реал Мадрид" клубы мен Германия құрамасының қорғаушысы Антонио Рюдигермен кездесті. Бұл туралы KAZ.NUR.KZ хабарлайды.
5 қарашада Хабиб Нурмагомедов Мадридте өткен УЕФА Чемпиондар лигасының жалпы кезеңі аясындағы "Реал" мен "Милан" арасындағы матчқа (1:3) қатысып, ойынды тамашалаған болатын. Аталмыш матчта "Реал" қорғаушысы Антонио Рюдигер алаңда бірінші минуттан бастап ойнады.
Кейін Антонио Рюдигер файтер Хабиб Нурмагомедовті арнайы шақырып, қонақ еткен.
"Шақырғаныңа рақмет, бауырым. Сенімен танысқаныма өте қуаныштымын. Енді мен сені Дағыстанда күтемін", - деп жазды Хабиб Нурмагомедов Instagram желісіндегі ресми парақшасында.
Айта кетейік, Антонио Рюдигер "Реал" сапында 2022 жылдан бері ойнап келеді. Бұған дейін ол "Челси", "Рома" және "Штутгарт" клубтарында өнер көрсеткен.
Ал Хабиб Нурмагомедов UFC-дегі мансабын 2020 жылғы қазанда Джастин Гэтжимен өткен жекпе-жектен кейін аяқтады. Кәсіби деңгейде ол 29 жекпе-жек өткізіп, барлығында жеңіске жеткен.
Мақаланың түпнұсқасы: https://kaz.nur.kz/sport/other-sports/2184753-dagystanda-kutemin-habib-nurmagomedov-real-madridting-uzdik-oiynshysymen-kezdesti-foto/
