Жартылай орта салмақтағы UFC чемпионы Белал Мухаммад X желісіндегі парақшасында Шавкат Рахмоновқа қатысты ерекше видео жариялады. Бұл туралы KAZ.NUR.KZ хабарлайды.
Белал Мухаммад нейрожелінің көмегімен жасалған екі видеоны бөлісіп, "Жақында" деген жазба қалдырды. Бірінші видеода оның қазақстандық файтер Шавкат Рахмоновпен, екіншісінде ирландиялық спортшы Иэн Гэрримен күш сынасып жатқаны бейнеленген.
Айта кетейік, Белал Мухаммад 8 желтоқсанда өтетін UFC 310 турнирінде Шавкат Рахмоновпен жекпе-жекке шығып, титулын қорғауы керек еді. Бірақ ол инфекция жұқтырып алып, ауруханаға түскендіктен, кездесу өтпейтін болды. Ал Шавкат Рахмонов UFC 310 турнирінде ирландиялық Иэн Гэрримен жекпе-жекке шығады. Олардың бәсекесі 5 раундқа жоспарланған.
Еске салайық, Белал Мухаммад Шавкат Рахмонов – Иэн Гэрри жекпе-жегінде кім жеңеді деп ойлайтынын айтқан еді. Сондай-ақ Иэн Гэрри UFC-дегі кезекті қарсыласы Шавкат Рахмоновпен қарым-қатынасы туралы пікір білдірді.
Мақаланың түпнұсқасы: https://kaz.nur.kz/sport/other-sports/2192091-belal-muhammadtyng-shavkat-rahmonov-turaly-videosy-kopshilikti-kulkige-qarq-qyldy/
