"Астана" баскетбол клубы ВТБ Бірыңғай лигасында қатарынан 16-ойында жеңілді

Елордалық "Астана" баскетбол клубы ВТБ Бірыңғай лигасы аясында он алтыншы мәрте жеңіліске ұшырады. Бұл туралы KAZ.NUR.KZ хабарлайды.

"Астана" өз алаңында ресейлік "Самара" командасын қабылдады. Нәтижесінде кездесу 59:81 есебімен қонақтардың жеңісімен аяқталды.

"Астана" баскетбол клубы ойынның алғашқы ширегінде қарсыластарына 12:25 есебімен жол берді. Екінші кезең де сәтсіз аяқталып, есеп 10:19 болды. Үшінші кезеңде ойыншылар қарқын қосып, 24:18 есебімен жеңіске жетті, алайда соңғы ширекте астаналық команда тағы да 13:19 есебімен ұтылды.

Айта кетейік, елордалық "Астана" баскетбол клубы биылғы маусым басталғалы бірде-бір жеңіске жете алмай, қатарынан 16 матчта жеңіліс тапты. Қазіргі уақытта "Астана" 16 ұпай жинап, турнир кестесінің соңғы 12-орнына жайғасқан.

Мәтіннен қате тапсаңыз, бізге жазыңыз