Гандболдан Қазақстан әйелдер құрамасы Үндістанның Нью-Дели қаласында өтіп жатқан Азия чемпионатында қола жүлде иеленді. Бұл туралы KAZ.NUR.KZ хабарлайды.
Қола жүлде үшін өткен ойында Қазақстан құрамасы Иранмен ойнап, 28:22 есебімен ұтты. Екі команда 2021 жылы да қола жүлдеге таласып, ол кезде де қазақстандық гандболшылар басым түскен еді.
Осылайша, гандболдан Қазақстан әйелдер құрамасы тарихта екінші рет Азия чемпионатының қоласын жеңіп алды. Сондай-ақ ұлттық команданың қоржынында екі алтын бар (2002 және 2010 жыл).
Биылғы Азия чемпионатының жеңімпазы финалда Оңтүстік Кореяны 25:24 есебімен жеңген жапондар болды. Осылайша Жапония жүлделер саны бойынша Қазақстан командасын қуып жетті. Қалған 16 турнирде кореялықтар жеңіске жеткен.
Мақаланың түпнұсқасы: https://kaz.nur.kz/sport/other-sports/2198669-gandboldan-qazaqstan-quramasy-aziia-chempionatynda-qola-zhulde-zhengip-aldy/
