Елордалық "Астана" баскетбол клубы ВТБ Бірыңғай лигасындағы жеңіліс сериясын 19 матчқа дейін жеткізді. Бұл туралы KAZ.NUR.KZ хабарлайды.
Елордалық "Астана" баскетбол клубы ВТБ Бірыңғай лигасы аясында сырт алаңда Санкт-Петербургтің "Зенит" командасына қарсы ойын өткізді.
"Зенит" командасы 96:59 есебімен жеңіске жетіп, барлық төрт ширекте де басымдық танытты. Алаңдағы ең нәтижелі ойыншы "Зениттің" ресейлік қорғаушысы Денис Захаров болды, ол 17 ұпай жинады. Ал "Астана" сапында өнер көрсететін ресейлік Данила Походяев пен америкалық Галин Смит 12 ұпайдан еншіледі.
Айта кетейік, "Астана" ВТБ Бірыңғай лигасының осы маусымындағы барлық 19 матчында жеңілді. Команда турнир кестесінің соңғы 12-орнында тұр.
Ал "Зенит" қосымша көрсеткіштер бойынша мәскеулік ЦСКА командасына жол беріп, 2-орында келеді.
Мақаланың түпнұсқасы: https://kaz.nur.kz/sport/other-sports/2199363-astana-basketbol-kluby-vtb-ligasyndagy-zhengilis-seriiasyn-19-matchqa-deiin-zhetkizdi/
