Жәнібек Әлімханұлы украиналық боксшы Александр Усикке қолдау көрсетті
Опубликовано:
Қазақстандық боксшы Жәнібек Әлімханұлы Сауд Арабиясының Эр-Рияд қаласына ұшып барып, украиналық Александр Усикпен кездесті. Бұл туралы KAZ.NUR.KZ Жәнібек Әлімханұлының Х желісіндегі ресми парақшасына сілтеме жасап хабарлайды.
Қазақстандық кәсіпқой боксшы Усикке британдық спортшы Тайсон Фьюримен өтетін реваншта жеңіс тіледі.
"Саған сәттілік, бауырым. Мен оның нокаутқа түсетініне сенемін", - деп жазды Жәнібек Х әлеуметтік желісінде.
Еске салайық, Александр Усик пен Тайсон Фьюри арасындағы реванш 21 желтоқсан Сауд Арабиясының Эр-Рияд қаласында өтеді. Бұл жекпе-жекте Усикке тиесілі WBC, WBO, WBA және IBO нұсқалары бойынша әлем чемпионы титулдары сарапқа салынады.
Мәтіннен қате тапсаңыз, бізге жазыңыз
Оригинал статьи: https://kaz.nur.kz/sport/other-sports/2202636-zhanibek-alimhanuly-ukrainalyq-boksshy-aleksandr-usikke-qoldau-korsetti/