Сабина Алтынбекова шетелдік волейбол команданың капитаны атанды
Жарияланған күні:
Қазақстандық волейболшы Сабина Алтынбекова Индонезияның "Yogya Falcons" клубының капитаны атанды. Ол енді шетелдік клубта өнер көрсетеді. Бұл туралы KAZ.NUR.KZ спортшының Instagram желісіндегі ресми парақшасына сілтеме жасап хабарлайды.
"Мен үшін Yogya Falcons командасының капитаны болу – үлкен құрмет. Бүкіл командаға, жаттықтырушыларға, менеджерлерге, клуб директорына көрсеткен сенімі үшін алғыс айтамын. Капитан болу мен үшін жаңа нәрсе емес, сондықтан бұл міндеттің қаншалықты жауапты екенін жақсы білемін. Сенімді ақтаймын.
Бүгін алғашқы ойынымызды өткізіп, 3:0 есебімен жеңіске жеттік. Қателіктер де болды, бірақ біз оларды түзетуге дайынбыз және 2025 жылғы Пролигаға дайындаламыз. Алда үлкен жеңістер, жаттығулар күтіп тұр", - еп жазды Алтынбекова Instagram парақшасында.
Айта кетейік, бұған дейін ол шетелдік клубпен келісімшартқа отырғанын мәлімдеген еді.
Мәтіннен қате тапсаңыз, бізге жазыңыз
Оригинал статьи: https://kaz.nur.kz/sport/other-sports/2202641-sabina-altynbekova-sheteldik-voleibol-komandanyng-kapitany-atandy/