Шахматшы Жансая Әбдімәлік мансабын аяқтауға қатысты сұраққа жауап берді
Опубликовано:
Қазақстандық шахматшы және халықаралық гроссмейстер Жансая Әбдімәлік мансабын аяқтау туралы сұраққа жауап берді. Бұл туралы KAZ.NUR.KZ шахматшының Instagram желісіндегі ресми парақшасына сілтеме жасап хабарлайды.
Жансая Әбдімәлік Instagram желісіндегі ресми парақшасының Stories бөлімінде спорттық мансабына қатысты оқырмандарының қойған сұрақтарына жауап берді. Ал шахматшы мансабын аяқтамағанын, тек кішігірім үзіліс алғанын айтты.
"Мансабымды аяқтаған жоқпын. Әзірге үзіліс алдым. Бір-екі жылда көре жатармыз", - деп жауап берді Жансая Әбдімәлік.
Айта кетейік, қазіргі уақытта Жансая Жезқазғанда шахмат академиясының жаңа филиалын ашуға дайындық жүргізіп жатыр. Әлеуметтік желідегі парақшасында ол филиалдың ашылуы қаңтар айында өтетінін хабарлаған.
Мәтіннен қате тапсаңыз, бізге жазыңыз
Оригинал статьи: https://kaz.nur.kz/sport/other-sports/2204697-shahmatshy-zhansaia-abdimalik-mansabyn-aiaqtauga-qatysty-suraqqa-zhauap-berdi/