Футболдан Қазақстан ұлттық құрамасының бас бапкері Станислав Черчесов Ақтау маңында Azerbaijan Airlines ұшағының апатқа ұшырауына байланысты көңіл айтты. Бұл туралы KAZ.NUR.KZ бапкердің Instagram желісіндегі ресми парақшасына сілтеме жасап хабарлайды.
Бүгін, 25 желтоқсанда Әзербайжанның Azerbaijan Airlines әуе компаниясына тиесілі Embraer 190 ұшағы Баку – Грозный рейсін орындау кезінде апатқа ұшырады.
"Ақтау маңында Azerbaijan Airlines ұшағының апатқа ұшырауына байланысты зардап шеккендерге күйзеліп, көңіл айтамын. Бұл – Ресей, Қазақстан және Әзербайжан халықтарының ортақ қайғысы", - деп жазды Станислав Черчесов.
Естеріңізге сала кетейік, Ақтаудағы ұшақ апатына байланысты мемлекет басшысы Қасым-Жомарт Тоқаев Әзербайжан президенті Ильхам Әлиевке көңіл айтты. Министрліктің мәліметінше, 27 адамның 11-інің жағдайы ауыр. Қазіргі уақытта олар жансақтау бөлімінде жатыр. Сонымен қатар облыстық балалар ауруханасына 11 және 16 жастағы екі бала жеткізілді. Екеуіне де ота жасау жоспарлануда.
Мақаланың түпнұсқасы: https://kaz.nur.kz/sport/other-sports/2204997-stanislav-cherchesov-azerbaijan-airlines-ushagynyng-apatqa-ushyrauyna-bailanysty-kongil-aitty-foto/
