Елена Рыбакина Аустралияда жаңа жыл мерекесін қалай тойлап жатқаны туралы видео жариялады

Қазақстанның бірінші ракеткасы Елена Рыбакина Instagram желісіндегі ресми парақшасында Аустралияда жаңа жыл мерекесін қалай тойлап жатқаны туралы видео жариялады. Бұл туралы KAZ.NUR.KZ хабарлайды.

Қазақстандық теннисші Елена Рыбакина Instagram желісіндегі ресми парақшасының Stories бөлімінде Аустралияда жаңа жыл мерекесін қалай тойлап жатқанын көрсетіп, видео жариялады.

Қазіргі уақытта Елена Рыбакина теннистен Қазақстан ұлттық құрамасымен бірге Аустралияда United Cup турнирінде өнер көрсетіп жатыр.

Естеріңізге сала кетейік, Аустралияда өтіп жатқан United Cup турнирінің топтық кезеңінде Қазақстан құрамасы алғашқы ойында Испанияны 2:1 есебімен жеңсе, екінші матчта Грекиядан 3:0 есебімен басым түсті.

Енді Қазақстан құрамасы турнирдің ширек финалында Германиямен кездеседі. Ойын 2 қаңтарға жоспарланған.

Мәтіннен қате тапсаңыз, бізге жазыңыз