Аустралияда өтіп жатқан United Cup турнирінің жартылай финалдық жұптары анықталды

Аустралияда өтіп жатқан United Cup турнирінің жартылай финалына жолдама алған барлық 4 команда анықталды. Ертең, 4 қаңтарда финалға шығу жолында жартылай финалдық кездесулер өтеді, деп хабарлайды KAZ.NUR.KZ.

Ертең, 4 қаңтарда Сиднейде (Аустралия) жартылай финалдық кездесулер өтеді. Қазақстан құрамасым Польшамен шеберлік байқасса, АҚШ теннисішлері Чехия құрамасына қарсы кездесу өткізеді.

Қазақстан мен Польша арасындағы кездесу 4 қаңтарда таңғы сағат 04:30-да (Қазақстан уақыты бойынша) басталады. Бұл бәсекенің бірінші ойынында Елена Рыбакина (әлемдік рейтингте 6-орында) мен Ига Швентек (2-орын) кездеседі. Ал екінші матчта Қазақстан құрамасы сапынан Александр Шевченко (78-орын) мен Хуберт Хуркач (16-орын) өзара мықтыны анықтайды. Сонымен қатар жұптық кездесу де өтеді.

Ал сағат 11:30-да (Қазақстан уақыты бойынша) АҚШ пен Чехия құрамалары кездеседі.

Айта кетейік, Аустралияда өтіп жатқан United Cup турнирінің финалы 5 қаңтарға жоспарланған.

Мәтіннен қате тапсаңыз, бізге жазыңыз