12 қаңтарда Мельбурн қаласында үлкен теннистен Australian Open-2025 турнирі басталады. Бұл туралы KAZ.NUR.KZ хабарлайды.
Australian Open-2025 турнирінің жеребесі 9 қаңтарда Қазақстан уақыты бойынша таңғы 08:30-да басталады.
Турнир 26 қаңтарға дейін жалғасады. Бұл турнирге ерлер арасындағы жекелей сында Александр Бублик, Александр Шевченко секілді қазақстандық теннисшілер қатысады. Ал әйелдер арасындағы жекелей сында Елена Рыбакина, Юлия Путинцева бақ сынайды.
Сондай-ақ Australian Open-2025 турнирінде теннисшілер жұптық сайыста, аралас жұптық сайыста сынға түседі. Бұл бәсекелерге қатысатын теннисшілердің тізімі кейінірек жарияланады.
Еске салайық, былтырғы Australian Open турнирінің ерлер арасындағы жекелей сында сербиялық Новак Джокович жеңімпаз атанса, әйелдер арасындағы жекелей сында Арина Соболенко чемпион болды.
Мақаланың түпнұсқасы: https://kaz.nur.kz/sport/other-sports/2208135-qazaqstandyq-tennisshilerding-australian-open-turnirindegi-qarsylastary-qashan-anyqtalady/
