Фристайл-могулдан Қазақстан құрамасының спортшысы Анастасия Городко Алматыда өтіп жатқан жасөспірімдер арасындағы әлем чемпионатында күміс медаль жеңіп алды. Бұл туралы KAZ.NUR.KZ Olympic.kz cайтына сілтеме жасап хабарлайды.
Анастасия Городко финалда 70.79 ұпай жинап, екінші орынға ие болды. Ал жапон спортшысы Юма Тагучи 72.43 ұпаймен жеңімпаз атанса, оның отандасы Мисе Курэа (66.63) қола жүлде иеленді.
Өзге де қазақстандық спортшылар – Юлия Феклистова 13, Анастасия Ларионова 17, Виктория Кузнецова 18, ал Юлия Мокина 22-орынға тұрақтады.
Айта кетейік, 2022 жылғы әлем чемпионатында Анастасия Городко үш жүлде жеңіп алған еді. Ол параллель могулда жеңіске жетіп, жекелей сында және аралас командалық сайыста екінші орын алды. Сонымен қатар 2024 жылғы әлем чемпионатында Городко могулда бірінші, параллель могулда екінші орын еншіледі.
Мақаланың түпнұсқасы: https://kaz.nur.kz/sport/other-sports/2209053-qazaqstandyq-sportshy-fristail-moguldan-alem-chempionatynyng-kumis-zhuldegeri-atandy/
