Қазақ қызы теннистен ITF сериясындағы турнирде үшінші мәрте топ жарды
Опубликовано:
Қазақстандық теннисші Сандуғаш Кенжібаева Анталияда өткен W15 санатындағы ITF сериясы турнирінде түркиялық Илай Йорукпен жұптасып өнер көрсетіп, топ жарды. Бұл туралы Қазақстан теннис федерациясына сілтеме жасаған KAZ.NUR.KZ хабарлайды.
Федерация мәліметінше, финалдық кездесуде 19 жастағы Кежібаева мен 23 жастағы Йорук жұбы неміс теннисшісі Мину Ходжич пен швейцариялық Мари Меттроны 6:4, 5:7, 10:8 есебімен жеңді.
Осылайша Сандуғаш Кенжібаева ITF аясындағы жұптық сында үшінші рет топ жарды. Кенжібаеваны былтырдан бері қазақстандық жас жаттықтырушы Артур Хайрутдинов жаттықтырып келеді.
Айта кетейік, бұған дейін Қазақстанның жұптық сындағы бірінші ракеткасы Анна Данилина Италияның Бари қаласында өткен халықаралық турнирдің жеңімпазы атанған еді.
Анна Данилина финалда ресейлік Ирина Хромачевамен бірге Италия өкілі Анджелика Морателли — мексикалық Рената Сарасуа жұбымен бас жүлдені сарапқа салды.
Ақтық сын 1 сағат 5 минутқа созылды. Қазақстандық-ресейлік жұп екі партияда айқын басымдылық көрсетті — 6:1, 6:3.
Мәтіннен қате тапсаңыз, бізге жазыңыз
Оригинал статьи: https://kaz.nur.kz/sport/other-sports/2210762-qazaq-qyzy-tennisten-itf-seriiasyndagy-turnirde-ushinshi-marte-top-zhardy/