Қазақстандық биатлоншы Кирилл Бауэр Туриндегі Универсиаданың қола жүлдесін еншіледі

Туриндегі студенттер арасындағы қысқы ойында қазақстандық биатлоншы Кирилл Бауэр мәреге үшінші болып келіп, қола жүлдеге ие болды. Бұл туралы Sports.kz басылымына сілтеме жасаған KAZ.NUR.KZ хабарлайды.

Басылымының хабарлауынша, Кирилл Бауэр 15 шақырымдық масс-стартта Франция және Швеция биатлоншыларына ғана жол беріп, мәре сызығын үшінші болып кесті. Кириллдің уақыт көрсеткіші – 43:26.9, осы қашықтықтағы жеңімпазбен уақыт айырмашылығы +33.8.Басылымның мәліметіне сәйкес, қазақстандық биатлоншылар Вадим Куралес — алтыншы, Никита Акимов — жетінші және Ержанат Қуандық — 19-орынға тұрақтаған.

Айта кетейік, бұл Қазақстан үшін Универсиададағы 12-медаль және бесінші қола медаль.

Мәтіннен қате тапсаңыз, бізге жазыңыз