Тарихтағы ең үздік нәтижелердің бірі: Қазақстан Универсиадада үздік жеті команданың қатарына енді

Италияның Турин қаласында өткен 2025 жылғы қысқы Универсиаданың жарыс бағдарламасы аяқталды. Қазақстан құрамасы тарихындағы үздік нәтижеге қол жеткізді, деп хабарлайды KAZ.NUR.KZ.

Соңғы күні отандық команда ел қоржынына тағы бір медаль салды. Ерлер эстафетасында шорт-трекшілер үшінші орын алды. Нәтижесінде 2025 жылғы Универсиаданы Қазақстан командасы үш алтын, төрт күміс және жеті қола медальмен аяқтады.

Бұл команданың жалпы есебінде 12-орын алуға мүмкіндік берді. Қазіргі таңда 18 медаль алған Франция көш бастап тұр. Жүлделердің жалпы есебі бойынша Қазақстан үздік жетілікте (14). Бұған дейін қазақстандық команда 2017 жылы Алматыда өткен Универсиада кезінде ғана көбірек медаль алған (36).

Мәтіннен қате тапсаңыз, бізге жазыңыз