Абиба Абужақынова Душанбеде өтіп жатқан Grand Slam жарысының қола жүлдегері атанды, деп хабарлайды Қазақстан Дзюдо федерациясына сілтеме жасаған KAZ.NUR.KZ.
Бүгін Тәжікстан астанасы Душанбеде дзюдодан Grand Slam турнирі басталды.
Қазақстандық дзюдошы Абиба Абужақынова (-48кг) жарысты сәтті бастап, жартылай финалға дейін сүрінбей жетті. Алайда 1/2 финалда қытайлық Чжуан Веннаға есе жіберді.
Қола жүлде үшін өткен белдесуде Абиба өзбекстандық Улбусин Хакимованы жеңді.
Душанбеде Grand Slam турнирі 4 мамырға дейін жалғасады.
Естеріңізге сала кетейік, бұған дейін Душанбеде өтетін Grand Slam жарысына қатысатын қазақ спортшылар белгілі болғанын жазған едік.
Мақаланың түпнұсқасы: https://kaz.nur.kz/sport/other-sports/2241513-abiba-abuzhaqynova-dushanbede-otip-zhatqan-grand-slam-zharysynyng-qola-zhuldegeri-atandy/
