Қазақстандық көркем гимнастшылар Азия чемпионатында тұңғыш рет көпсайыстан алтын медаль жеңіп алды

Сингапурдегі Азия Чемпионатында №1 Балалар мен жасөспірімдердің мамандандырылған олимпиадалық резерв спорт мектебінің №1 командасы Азия чемпионатының көпсайыс бағдарламасында алтын медальға ие болды, деп хабарлайды KAZ.NUR.KZ.

Бұл туралы Спорт және дене шынықтыру істері комитетінің баспасөз қызметінің өкілдері мәлім етті.

Ведомствоның хабарлауынша, бұл - көпсайыстан Азия чемпионатындағы тарихи алтын.

"Команданың жеке бапкері - Балғынбаева Меруерт Төлегенқызы, хореографы - Оспанбаев Шыңғыс Әсетұлы.

Команда құрамында Жасмин Жүнісбаева, Кристина Чепульская, Аида Хакимжанова, Айзере Кеңес, Айзере Нұрмағамбетова, Мадина Мырзабай бар.

"Тарихи жеңіс құтты болсын! Біз сіздермен мақтанамыз!", - делінген комитеттің хабарламасында.