Елена Рыбакина екінші рет WTA 500 санатындағы турнирдің жеңімпазы атанды

Қазақстандық теннисші Елена Рыбакина Германияның Штутгарт қаласында өткен WTA 500 санатындағы беделді турнирде жеңімпаз атанды, деп хабарлайды 1bol.kz.

Басылым мәліметінше, әлемнің екінші ракеткасы финалда чехиялық Каролина Мухованы (WTA №12) сенімді түрде ұтып, матчты 7:5, 6:1 есебімен аяқтады. Осылайша Рыбакина 2026 жылғы маусымдағы екінші титулын жеңіп алды. Бұған дейін ол Australian Open турнирінде топ жарған болатын.

Бұл – қазақстандық теннисшінің кәсіби мансабындағы 13-жүлдесі. Сонымен қатар Рыбакина Штутгарттағы турнирді екінші рет ұтып отыр: ол мұнда алғаш рет 2024 жылы чемпион атанған еді.

Жеңісі үшін Рыбакина 500 рейтингтік ұпайға ие болып, 160 мың еуро көлемінде сыйақы алды. Сондай-ақ турнирдің басты жүлделерінің бірі – Porsche 911 Carrera S автокөлігі де чемпионға табысталды.

Айта кетейік, Рыбакина қазіргі таңда 2026 жылғы маусымның чемпиондық жарысында көш бастап келеді. Оның еншісінде 25 жеңіс және 5 жеңіліс бар.

Мәтіннен қате тапсаңыз, бізге жазыңыз