Туған немересінен тамағын қызғанған қария оны өлімші күйге түсірді (фото)

Жапонияда туған атасының құлдығына түсіп, адам шошырлық күйге жеткен бойжеткеннің оқиғасы көпшіліктің жағасын ұстатты. Бұл туралы NUR.KZ порталы deadbees.net сайтына сілтеме жасап хабарлайды.

Бойжеткен бес жасар баланың салмағына дейін азып, 16,8 келі болып қалған. Атасы оған тамақтануға мүлде тыйым салып келіпті.

Ол немересін жасырын тамақ ішіп жатқан жерінен ұстап алса, ішінен теуіп, соққыға жығып, тамағын құстыруға дейін баратын.

Салдарынан өлімші күйге түскен ару 16,8 келіге дейін азып кеткенде, оны дәрігерлер құтқарып қалады.

Ақ халаттылар қызды он минутқа кеш жеткізгенде, аман алып қалу мүмкін болмас еді деуде.

Бойжеткен арада он жыл өткеннен кейін бұл жантүршігерлік жайттың фотоларымен бөлісті. Ол салмағын қалпына келтіріп, қатыгез атасының құлдығынан құтылған.

Алайда зардап шегуші атасынан қорлық көрген кезінде ата-анасы мен жақындары қайда болғанын мүлде айтудан бас тартқан.

Бізбен бөлісер қызықты әрі маңызды жаңалығыңыз болса, NUR.KZ порталының WhatsApp нөміріне жолдаңыз: + 7 747 535 12 98

Мәтіннен қате тапсаңыз, бізге жазыңыз