Үйлер мен көліктер қар астында: Ресей қалаларының біріне қалың қар түсті
Опубликовано:
![Қар Қар](https://cdn.nur.kz/images/1120x630/baf87efa959304a1.jpeg)
Ресейдің ең суық қалаларының бірі Норильскіде екі айлық қар мөлшері 5 күнде жауды. Салдарынан адамдар көліктерін қар астынан таба алмай әлек болуда деп жазады 4tololo.ru.
Ресейдің солтүстігіндегі Норильск қаласының тұрғындары қалың қарға еті үйренгендерін айтады. Себебі, Норильск - әлемдегі ең суық қалалардың бірі.
![Қар Қар](https://cdn.nur.kz/images/1120/c1a0f52ca4bd5f11.jpeg)
Мұнда қыс ұзақ және суық, қаңтардың орташа температурасы -44 ° C шамасында.
![Қар Қар](https://cdn.nur.kz/images/1120/c5873a9a094eee65.jpeg)
Айтпақшы, Норильск - әлемдегі ең желді бес елдімекеннің бірі.
![Қар Қар](https://cdn.nur.kz/images/1120/0e0ec856416693af.jpeg)
Десе де Норильск тұрғындары бұған үйреніп қалған, ал биылғы жылы қалада 5 күнде екі айлық қар мөлшері түскенде, олар айтарлықтай таң қалмаған сияқты.
![Қар Қар](https://cdn.nur.kz/images/1120/be8c80643b55d497.jpeg)
Красноярск гидрометеорологиялық орталығының мәліметтері бойынша, жергілікті тұрғындар секундына 22-27 метрге дейін жететін мұзды желдің екпініне төтеп беруде.
![Қар Қар](https://cdn.nur.kz/images/1120/92f040906a9f2de8.jpeg)
Олар Instagram парақшаларында қарлы қыстың суреттерін жүктей бастады.
![Қар Қар](https://cdn.nur.kz/images/1120/436d607cab813ca2.jpeg)
Адамдар қалың қардың астынан көліктерін қазып алуда. Қала билігі дауылды ескерту жариялаған, мектептерде сабақ тоқтатылды, қар тазалайтын техникалар тоқтаусыз жұмыс істеуде.
![Қар Қар](https://cdn.nur.kz/images/1120/f367c8bd849c9579.jpeg)
Көлік иелері "темір тұлпарларын" қалың қардан қазып шығарып қана қоймай, оларға жол ашумен әлекке түсіп жүр.
![Қар Қар](https://cdn.nur.kz/images/1120/ce55f7d4f2dc84ce.jpeg)
Еске салсақ, бұған дейін қыстың алғашқы айында елімізде ауа райы қандай болатынын жазған едік.
![Қар Қар](https://cdn.nur.kz/images/1120/4c985069d781d9e2.jpeg)
Одан бөлек, танымал "Орел и решка" бағдарламасының жүргізушісі Қазақстанның табиғатына таңдай қаққанын жазған болатынбыз.
![Қар Қар](https://cdn.nur.kz/images/1120/9e4625a800d07a22.jpeg)
Мақаланың түпнұсқасы: https://kaz.nur.kz/world/1887565-jler-men-klikter-kar-astynda-kaldy-resej-kalalaryny-birine-kaly-kar-tsti/