Франциядағы президенттік сайлауда Эммануэль Макрон жеңіске жетті

Опубликовано:

Эммануэль Макрон
Эммануэль Макрон. Фото: Getty Images/ Anadolu Agency / Contributor

Франциядағы президенттік сайлауда Эммануэль Макрон жеңіске жетті. Дауыс беру нәтижесінің қорытындысы бойынша қазіргі президент 58,55 пайыз, оның қарсыласы Марин Ле Пен 41,45 пайыз дауыс жинады, деп хабарлайды РИА Новости.

Сайлаудың соңғы нәтижелерін Францияның ішкі істер министрлігі жариялаған. Халықтың 63,23 пайызы дауыс берген.

Дауыс беру нәтижелерін қортындысы жайлы ресми түрде 27 сәуірде Франция конституциялық сотының төрағасы жариялайды.

Басылымның жазуынша, Марин Ле Пен сайлауда жеңілгенін мойындаған. Дегенмен ол Франция тұрғындарының алдындағы міндеттемелерін орындауды жалғастыруға уәде берген.

Атап айтқанда, Ле Пен өзінің "Ұлттық бірлестік" партиясы парламенттік сайлауда жеңіске жету үшін бар күшін салатынын мәлімдеген.

Еске сала кетейік, Францияда президент сайлауы 10 сәуірде басталды.

Президент лауазымына 12 адам үміткер болды. Бірінші турдың қорытындысы бойынша Эммануэль Макрон 27,84%, Марин Ле Пен 23,15% дауыс жинаған еді.

Мақаланың түпнұсқасы: https://kaz.nur.kz/world/1966556-franciyadagy-prezidenttik-sailauda-emmanuel-makron-zeniske-zetti/

jitsu gif