Эдинбургте ханзада Эндрюге тіл тигізген ер адам қамауға алынды

Шотландия полициясы II Елизаветаның қаралы шеруінде Эндрю ханзадаға тіл тигізген ер адамды ұстады, деп хабарлайды rbc.ru сайтына сілтеме жасаған KAZ.NUR.KZ.

Патша отбасының барлық балалары, соның ішінде III Карл патша, марқұм патшайымның денесі салынған көліктің шеруіне ілесіп жүрген.

Осы кезде шеруді тамашалағандардың бірі "Эндрю, сен ауру шалсың" деп айқай салады.

Полиция топ ішінен 22 жастағы ер адамды ұстап алған.

"22 жастағы ер адам Эдинбург орталығындағы патша шеруінде тәртіп бұзғаны үшін ұсталды", - делінген полиция хабарламасында.

Айта кетейік, ханзада Эндрюді 2021 жылдың тамызында америкалық Вирджиния Робертс сотқа бедра. Ол өзіне зорлық жасалғанын мәлім еткен болатын.

Кейін патша отбасының мүшесі ретіндегі қызметтік міндеттерін орындаудан бас тартуға шешім қабылдады. Сонымен қатар II Елизавета "зорлық жасады" деп айыпталған Эндрюді титулынан, әскери шенінен және корольдік қамқорлығынан айырды.

Ал кешірек ханзада өзін айыптаған бойжеткенге өтемақы төледі.