Ирандағы Әзербайжан елшілігіне жасалған шабуылдан бір адам қаза тапты

Тегеранда Әзербайжан елшілігіне қарулы шабуыл жасалды. Оқиға салдарынан елшіліктің қауіпсіздік қызметінің басшысы қаза тауып, тағы екі қызметкер жарақат алды, деп хабарлайды KAZ.NUR.KZ Sputnik Азербайжан сайтына сілтеме жасап.

"27 қаңтарда Баку уақытымен 08:30-да Иран Ислам Республикасындағы Әзербайжан Республикасының елшілігіне қарулы шабуыл жасалды", – деп келтіреді басылым СІМ хабарламасын.

Басылымның мәліметінше, "Калашников" автоматымен қаруланған ер адам күзет бекетіне шабуыл жасап, қауіпсіздік қызметінің басшысы Орхан Әскеровті өлтірген. Сонымен қатар, шабуыл салдарынан департаменттің мәліметінше, елшіліктің екі күзетшісі жараланған. Олардың жағдайы қанағаттанарлық.

Басылымның хабарлауынша, Әзербайжан елшілігіне шабуыл жасады деген күдікті ұсталды. Қазіргі уақытта оқиғаның мән-жайы тексеріліп жатыр. Қосымша ақпарат кейінірек жарияланбақ.

Мәтіннен қате тапсаңыз, бізге жазыңыз