Пәкістанда мешіттегі жарылыстан қаза болғандар саны 72-ге жетті

Пәкістанның Пешавар қаласындағы мешітте болған жарылыс салдарынан қаза болғандар саны 72-ге жетті, деп хабарлайды Geo телеарнасына сілтеме жасаған РИА Новости.

Басылымның хабарлауынша, бұған дейін жарылыстан қаза болғандар саны 59 болса, зардап шеккендер саны 157 етін.

Бұдан бөлек 31 қаңтар, сейсенбі провинцияда жарылысқа байланысты аза тұту күні болып жарияланған.

Басылым қазіргі таңда іздеу-құтқару жұмыстары жалғасып жатқанын атап өтті.

Айта кетейік, Пешавар қаласындағы мешіттегі жарылыс 30 қаңтарда шамамен 13.40-та, намаз уақытында болған еді. Куәгерлердің айтуынша, мешітте ол кезде 100-ден аса адам болған, олардың дені полиция, әскер және сапер бөлімшелерінің өкілдері.

Жарылысты жанкешті-лаңкес жасады деген болжам бар. Жарылыс салдарынан мешіттің бір бөлігі мен төбесі опырылып қалған.

Мәтіннен қате тапсаңыз, бізге жазыңыз