Түркиядағы жер сілкінісінен кейін портта ондаған жүк контейнері өртенді (фото, видео)
Опубликовано:
![Түркия портында өрт шықты Түркия портында өрт шықты](https://cdn.nur.kz/images/1120x630/35f7f8db6cd23b9f.jpeg)
Жер сілкінісінен кейін жабылған Түркияның Искендерун портында өрт шықты. Порттағы жүк контейнерлері өртенді. 6 ақпанға қараған түні Түркияда жойқын жер сілкінісі болды, деп жазады KAZ.NUR.KZ РИА Новости агенттігіне сілтеме жасап.
Порт жер сілкінісінен зардап шеккен елдің оңтүстік-шығысында орналасқан. Искендерун порты қирағандықтан уақытша пайдаланудан шығарылды, деп жазады агенттік.
Бұл туралы Түркияның теңіз әкімшілігі хабарлады. Жергілікті БАҚ-тың хабарлауынша, өрт порт аумағында жүк тиелген контейнерлерден шыққан, өрт әлі ауыздықталған жоқ. Тілсіз жаудың шығу себебі әзірге белгісіз.
Мақаланың түпнұсқасы: https://kaz.nur.kz/world/2008286-turkiyadagy-zer-silkinisinen-keiin-portta-ondagan-zuk-konteineri-ortendi-foto-video/