Түркиядағы зілзала: Қаза тапқандар саны 7 мыңнан асты
Опубликовано:
Түркияда болған жойқын жер сілкінісінен қаза тапқандар саны 7 мыңнан асты. Бұл туралы Anadolu агенттігіне сілтеме жасаған KAZ.NUR.KZ хабарлады.
Түркия Табиғи апаттар мен төтенше жағдайлардың зардаптарын жою басқармасының (AFAD) дерегінше, зілзаладан көз жұмғандар саны 7 108 адамға жетті, тағы 40 910 адам зардап шеккен.
Сондай-ақ 5 775 ғимарат қираған. Апат аймағының тұрғындары үшін 50 818 шатыр орнатылған. Іздестіру-құтқару жұмыстарына 79 110 адам жұмылдырылған.
Еске сала кетсек, 6 ақпан күні Түркияның оңтүстік-шығысында магнитудасы 7,7 болатын жойқын жер сілкінісі болды. Жер сілкінісі көршілер елдерде де оның ішінде Сирияда да сезілді.
Түркия президенті Режеп Тайип Ердоғанның айтуынша, бұл - елдегі 1939 жылдан бергі ең үлкен зілзала.
Табиғи апатқа байланысты елде жеті күндік аза тұту күні жарияланды.
Сондай-ақ апаттан зардап шеккен 10 провинцияда үш айға төтенше жағдай режимі енгізілді.
- Қазақстандық құтқарушылардың екінші тобы Түркияға ұшып кетті (фото, видео)
- Түркиядағы жер сілкінісінен қаза тапқандар саны 6234-ке жетті
Мәтіннен қате тапсаңыз, бізге жазыңыз
Оригинал статьи: https://kaz.nur.kz/world/2008589-turkiyadagy-zilzala-qaza-tapqandar-sany-7-mynnan-asty/