Түркиядағы жер сілкінісінен кейін бүтін бір қала жойылады

Түркияның Газиантеп провинциясындағы Нұрдағы қаласы толығымен жермен жексен етіліп, жойылады. Ол өткен аптада болған жер сілкінісінен қатты зардап шекті, деп жазады KAZ.NUR.KZ РИА Новости агенттігіне сілтеме жасап.

Қаланың толық жойылатыны туралы бүгін губернатор міндетін атқарушы Осман Бильгин айтты.

Саясаткер үйінді астында адамдар болуы мүмкін соңғы сегіз үйде іздеу-құтқару жұмыстары жүргізіліп жатқанын айтты.

"Біз орасан зор апатты басымыздан кештік. Біз қала құрылысы министрі Куруммен бірлесіп шешім қабылдадық: барлық үйінділерді аламыз, қала толығымен қиратылады – 100 пайыз. Біз бір ғана үйдің қирандыларының астынан 150 адамның мәйітін таптық. Қала қайтадан тұрғызылады", – дейді Бильгин түрік телеарнасының эфирінде.

Қала тұрғындарының саны кемінде 40 мың адам болғаны хабарланды.