Италия жағалауындағы қайықтың апатқа ұшырауы: қаза тапқандар саны 59-ға жетті

Италиялық қаланың жағалауында болған қатты дауылдан қирап қалған қайықта отырған 59 мигрант қаза тапқан деп танылды, деп хабарлайды BBC.

Кеме жағалауда орналасқан Италияның Калабрия өңіріндегі Кротоне қаласының маңына тоқтамақ болған кезде қираған. Тірі қалғандардың сөзінше, бортта кем дегенде 150 адам болған.

Салдарынан 59 адам, оның ішінде 12 бала қаза тапқан. Оқиға орнына барған Италия ІІМ басшысы Маттело Пьянтедози 30-ға жуық адамды із-түзсіз жоғалды деп санауға болатынын жеткізді. Оның ішінде туғанына бірнеше ай ғана болған жаңа туған сәби де бар, деп хабарлайды ANSA.

Кротоненің жағалау күзеті 80 адам тірі табылғанын жеткізді. Олардың бірі мигранттар саудасымен айналысқан деген айыппен қамауға алынған, деп мәлім еткен кедендік полиция. Зардап шеккендерге медициналық көмек көрсетілген.

Мигранттар мінген кеме Түркиядан бірнеше күн бұрын шыққан. Оның ішінде Ауғанстан, Пәкістан, Сомали мен Иран тумалары болған. Италия президентінің сөзінше, олардың барлығы өз еліндегі күрделі ахуалдан қашып келген.