Сауд Арабиясының королі Рамазан қарсаңында Құранның миллион көшірмесін жасауға бұйрық берді

Сауд Арабиясының королі Салман Рамазан айында құранның миллион көшірмесін тарату туралы бұйрық берді. Бұл туралы Islamnews.ru сайтына сілтеме жасаған KAZ.NUR.KZ хабарлайды.

Қасиетті Құран кітабы араб тілінде және әлемнің 76 тіліне аударылған күйінде таратылады. Кітапты Мединадағы полиграфиялық кешенде басып шығармақшы.

Дін істері және исламға шақыру министрінің айтуынша, Құранды баспаға дайындау уақыты басталды. Рамазан айы басталғанша кітап толық дайын болмақ.

Құран көшірмелерін әлемнің 22 мемлекетіндегі исламдық ұйымдарға жібереді.

Мәтіннен қате тапсаңыз, бізге жазыңыз