Бішкек маңында кірпікшешеннің ерекше түрі видеоға түсіп қалды

Қырғызстан тұрғындары бірер күн бұрын Қой-Таш ауылының маңында кірпікшешеннің бір түрі - жайраны видеоға түсіріп алған. Оқырмандар видеоны 24.kg сайтына жолдаған, деп хабарлайды KAZ.NUR.KZ.

Агенттіктің хабарлауынша, жайра жол бойымен жүгіріп өтіп бара жатқан. Оны видеоға түсіріп алу үшін жолаушылар көліктің жылдамдығын бәсеңдеткен.

Сонымен қатар агенттік Қырғызстанда жайра - жойылып кету қаупі төнген сирек кездесетін кеміргіштердің санатына жататынын атап өтті.

Олар інін тастың қуысына, өзен бойындағы биік жарға салады. Бұндай жануарлар Қырғыз жотасының етегінде, Талас алқабында мекендейді.

Еске салайық, бұған дейін Маңғыстау облысында тұрғындар елімізде сирек кездесетін аң - итаюды (медоед) видеоға түсіріп алған еді.