"Құны 1,5 млн теңге": Жириновскийдің қызыл пиджагы аукционға қойылды (фото, видео)

Ресейдің марқұм саясаткері Владимир Жириновский киген қызыл пиджак аукционға қойылды. Лот "Лифтфонда" сайтында пайда болды, деп жазады KAZ.NUR.KZ.

Аукцион үйінің сайтында қызыл пиджак Ресей либерал-демократиялық партиясының негізін қалаушы әрі төрағасы Владимир Жириновскийге тиесілі екені жазылған.

Сондай-ақ саясаткердің бұл пиджакті мемлекеттік думаның отырыстарына қатысқанда кигені айтылған.

353 нөмірі берілген лоттың құны 250 мың рубльді (1,5 миллион теңге) құрап отыр.

"Киілгені байқалады, бірақ әлі тозбаған, сапасы жақсы. Ұсынылған лотты Владимир Владимирович Жириновский 2014 жылғы мамырда "Политика" телебағдарламасының эфирінде тележүргізуші Александр Гордонға сыйлаған", - делінген лот жазбасында.

Еске сала кетейік, Владимир Жириновский ауыр және ұзаққа созылған аурудан кейін 2022 жылдың сәуір айында өмірден өтті.

Мәтіннен қате тапсаңыз, бізге жазыңыз