Эквадорда күшті жер сілкінісі болды: қаза тапқандар бар (видео)

Кеше, 18 наурыз күні Эквадор жағалауында күшті жер сілкінісі болды. Жер асты дүмпулерінің салдарынан адамдар қаза тапты, деп хабарлайды KAZ.NUR.KZ.

Сондай-ақ бірнеше жүздеген зардап шеккендердің бары туралы хабарланды.

Еуропа-Жерорта теңізі сейсмологиялық орталығының мәліметінше, кеше, яғни жексенбі күні жергілікті уақыт бойынша сағат 12:12-де (Астана уақытымен 23:12) Эквадор жағалауында магнитудасы 6,7 болатын жер сілкінісі болды.

Кейінірек ел президенті Гильермо Лассоның баспасөз қызметі Twitter-де жер сілкінісінің күші 6,5 балл болғанын хабарлады.

РИА Новостидің баспасөз қызметі таратқан хабарламаға сілтеме жасап хабарлауынша, жер асты дүмпулері салдарынан кемінде 14 адам қаза тапқан. Тағы 381 тұрғын жарақат алған.

Жер сілкінісі елдің бірнеше провинциясында бірден сезілгені атап өтілді.

Мәтіннен қате тапсаңыз, бізге жазыңыз