Түркияның жер сілкінісінен зардап шеккен провинциясында жойқын дауыл тұрып, ондаған адам зардап шекті (видео)

Ақпан айының басында бірқатар жер сілкінісінен зардап шеккен Түркияның Кахраманмараш провинциясында жойқын дауыл тұрды. Табиғи апат салдарынан 40 адам зардап шеккен, деп хабарлайды KAZ.NUR.KZ Nurriyet басылымына сілтеме жасап.

Түрік басылымының хабарлауынша, дауыл кезінде жер сілкінісінен кейін баспанасынан айырылған адамдар тұрып жатқан шатырлар қатты бүлінген.

Дауылдан кем дегенде 170 шатыр бүлінген, сондай-ақ 40 адам зардап шеккен, оның 8-інің жағдайы ауыр.

Оқиға орнына көптеген құтқару бригадасы жіберілген. Зардап шеккендердің барлығы ауруханаларға жеткізіліп, оларға медициналық көмек көрсетілген.

Провинция билігі төтенше жағдайдың салдарын жою үшін барлық қажетті шараны қабылдап жатқанын мәлімдеді. Ал провинция басшысы зілзаладан зардап шеккен азаматтар тұратын шатырлар қайта қалпына келтірілетінін айтты.

Сол арада әлеуметтік желіде дауылдан зардап шеккен провинцияның видеолары пайда болды.

Мәтіннен қате тапсаңыз, бізге жазыңыз