Тоқаев, Байден, Рим Папасы, Роулингтің Twitter-дегі парақшасында көк белгі жоғалып кетті

Twitter бұрын тіркелгендердің түпнұсқалығын анықтайтын көк тексеру белгісін алып тастай бастады. Көптеген танымал тұлғаның парақшасындағы көк белгі жойылып үлгерді, деп хабарлайды KAZ.NUR.KZ.

Былтыр Илон Маск Twitter әлеуметтік желісін сатып алғаннан кейін көк белгіні және парақшаны анықтауды жазылу бойынша ақылы түрде алуға болатыны хабарлаған еді.

Енді әлеуметтік желідегі көк белгі танымал адамдардың, әлемдік көшбасшылардың да парақшаларынан алынып тасталған.

Sky News хабарлауынша, желідегі басқа түсті белгілер сақталады. Мәселен, алтын түсті белгі тексерілген компанияларда, ал сұр түсті белгі үкімет, әртүрлі халықаралық ұйымдар мен лауазымды тұлғаларда қалады.

Сонымен, Қазақстан президенті Қасым-Жомарт Тоқаевтың, АҚШ басшысы Джо Байденнің, Украина лидері Владимир Зеленскийдің парақшаларында тек сұр түсті белгі көрсетілген. Ватикан басшысы Рим Папасы Франциск пен британдық корольдік отбасының парақшасында да көк белсізі қалды.