Суданда қауіпті аурулардың үлгілері бар зертхананы содырлар басып алды

Суданда содырлар полиомиелит, тырысқақ және қызылша сияқты қауіпті аурулардың үлгілері бар орталық мемлекеттік зертхананы басып алды, деп хабарлайды KAZ.NUR.KZ РИА Новости агенттігіне сілтеме жасап.

ДДҰ-ның Судандағы өкілі Нима Саид Абед қауіпті аурулардың үлгілері бар зертхананы қақтығыс тараптарының бірі басып алғанын хабарлады.

"Денсаулық сақтау жүйесінің орталық зертханасын басып алуға байланысты үлкен биологиялық қауіп бар", – деді ол.

Зертхана директоры содырлар зертхананы әскери базаға айналдырып жібергенін атап өтті.

"Бұл өте қауіпті, өйткені бізде зертханада полиомиелит, қызылша, тырысқақ үлгілері бар", – деп атап өтті Нима Саид Абид.

Еске салсақ, Суданда Мұхаммед Хамдан Дагало басқаратын Жедел қолдау күштері мен Судан армиясы арасында қақтығыс жүріп жатыр.

Мәтіннен қате тапсаңыз, бізге жазыңыз