АҚШ-та 101 жастағы қария 80 жылдан кейін диплом алды (видео)

АҚШ-та 101 жастағы Фред Тейлор есімді қария 80 жылдан кейін салтанатты түрде қолына дипломын алды, деп хабарлайды "Хабар 24" арнасы.

Телеарна мәліметінше, Фред Тейлор 80 жыл бұрын Айова штатындағы колледжді бітірген. Бірақ майданға аттанғандықтан салтанатты шараға қатыса алмаған.

Арада ондаған жылдар өткен соң Фред Тейлордың қызы әкесін үшін диплом алу салтанатты шарасын ұйымдастырған. Ардагер музыка мамандығы бойынша білім алған екен. Кейін осы бағытта магистратураны да тәмамдаған. Фред Тейлор зейнеткерлікке шыққанға дейін мұғалім болып та жұмыс істеген.

"Мен ақыры университетті шынымен бітіргенімді сезіндім", - дейді Фред Тейлор.