Түркиядағы сайлаушылар дауыс беруге жануарлармен және құстармен келуде (видео)

Түркияда президент сайлауының екінші кезеңі өтіп жатыр. Ал елдің кейбір тұрғындары сайлау учаскелеріне өздерімен бірге жануарлар мен құстарды ала келген, деп хабарлайды KAZ.NUR.KZ "Радио Sputnik" сайтына сілтеме жасап.

Агенттік жергілікті БАҚ-қа сілтеме жасап, Стамбұл тұрғынының сайлауға қозы алып келгенін жазады.

"Сарыер (Стамбул ауданы – ред.) тұрғыны сайлау учаскесіне жемпір кигізіп қойған қозысымен келіп дауыс берді. Қазір ол БАҚ-тағы ең танымал адам", – деп жазған басылым.

Эсеньюртта тұратын тағы бір сайлаушы Назим Джихан тотықұспен бірге сайлауға қатысты.

"Тотықұс азаматтар мен сайлау комиссиясы қызметкерлерінің назарында болды. Паша есімді тотықұсымен бірге жәшікке конвертті түсіргенде, айналасындағылар құсты қызыға тамашалады", – деп жазады басылым.

Сондай-ақ, агенттіктің хабарлауынша, Аданада жергілікті тұрғын дауыс беруге Өрмекші адам костюмін киіп келген. Түркияның Дюздже провинциясында Исмаил Чобан мен Озге Чобан есімді ерлі-зайыптылар үйлену тойындағы киіммен, ал Карсадағы тағы бір жұп кавказдық киіммен дауыс берген.

Сонымен бірге, РИА Новости агенттігінің хабарлауынша, Түркия президенттігіне үміткерлер Кемаль Кылычдароғлы мен Режеп Тайып Ердоған президенттік сайлауда дауыс берген.

Кылычдароғлы Анкараның Чанкая ауданындағы Аргентина мектебінде бірінші турда өзі дауыс берген сайлау учаскесіне келіп, дауыс берді.

Қазіргі президент Стамбұлдың Үскідар ауданындағы учаскеге келді.

Мәтіннен қате тапсаңыз, бізге жазыңыз