"Тағдырлы адам еді": Путин ұшақ апатынан соң алғаш рет Пригожин туралы сөз қозғады

Ресей президенті Владимир Путин Тверь облысындағы ұшақ апатынан соң алғаш рет Евгений Пригожин туралы сөз қозғады. Бұл туралы РБК порталына сілтеме жасаған KAZ.NUR.KZ хабарлайды.

Путин ұшақ апатын үлкен қайғылы жағдайға теңеп, Евгений Пригожинді табысты әрі тағдырлы адам деп атады.

"Ұшақ апатына келер болсам, ең алдымен марқұмдардың отбасы мен туыстарына көңіл айтамын.

Пригожинді мен баяғыдан, тоқсаныншы жылдардың басынан білемін. Ол тағдыры қиын адам еді, өзіне тән қателіктері де, жетістіктері де болды. Ол соңғы кездері мен айтқан соң, ортақ істерге де барын салды. Ол талантты адам, талантты бизнесмен болатын", - деді Путин.

Айта кетелік, 23 тамыз күні Евгений Пригожин мінген жеке ұшақ апатқа ұшырап, жалпы есебі он адам қайтыс болды.

Мәтіннен қате тапсаңыз, бізге жазыңыз